Concentración en Paderne pola readmisión de Alberto

Alberto, ao fondo, recibe o aplauso dos asistentes.

Que a estas alturas os clientes dun banco saian en defensa dun Director despedido non é habitual, en todo caso, esta mostra de solidariedade demostra que Alberto é unha persoa querida por quen o coñece, froito da súa grande humanidade e honestidade. Hoxe moitos viciños de Paderne sairon na súa defensa, outros moitos que non poideron estar por motivos laborais trasladaron o seu apoio. Está en marcha unha recollida masiva de sinaturas (nalgunha parrroquida xa firmou o 99% dos habitantes).

Previamente á concentración que durou unha hora,  unha caravana de coches encartelados partiu de Ourense cara a Paderne denunciando que "Novagalicia despide".

Comunicaron o despedimento por buro-fax, indicando que podería haber reclamacións da clientela e danos reputacionais (imaxe) para a entidade. Efectivamente hai unha reclamación da clientela, a readmisión de Alberto; e houbo danos reputacionais (imaxe), pero por telo despedido inxustamente.

Confúndese quen pensa que pode quedarse cun banco despedindo inxustamente aos traballadores/as. Somos nos a imaxe ante a clientela, para o malo, pero tamén para o bon. O banco sin nos non vale ren, isto non é unha mercería.

Continuaremos loitando pola súa readmisión, por unha saida xusta. A vindeira mobilizacións será unha manifestación de clientes, traballadores/as e da CIG en Ourense, si antes non hai unha saída negociada.

Sr Castellano, si nos fósemos donos dun banco contrataríamos ao Alberto, dada a boa carteira de clientes que confian nel.

O apoio veciñal superou as expectativas malia ser un día laboral.