Historia para non durmir: con nocturnidade e alevosía.

Negociando a altas horas da madrugada

Cando un era novo, tiña unha amizade que sempre dicía que ligar era doado, que só había que rebaixar o listón: quen non che gustaba nunha discoteca ás 12 da noite, pasadas as horas ás 7 da maña, “cubatas” por diante, pasaba a valer. Tal cual a historia dese preacordo para non durmir, negociado en Madrid a altas horas da madrugada. O día 8 mentres nos defendíamos a un compañeiro despedido concentrándonos en Paderne, eles acordaban 700 despedimentos e 5.000 suspensións de contrato.

Ao inicio da negociación a empresa dixo que habia un excedente fora de Galiza de 450 persoas (para as que propuñan baixas incentivas e despedimentos) e un excedente de 250 persoas en SSCC (para as que propuñan baixas incentivadas e suspensións de contratos). Propuñan baixas, despedimentos e suspensións que sumaban 700 persoas.

Agora conseguiron 350 baixas do ERE2 + 350 baixas ERE3. Si o persoal non aceptou baixas voluntariamente, a que recorreran agora para encher o novo ERE?. Sen entrar nas condicións das baixas incentivadadas do novo ERE, deixa a porta aberta a que o persoal maior de 50 anos poda verse obrigado a renunciar ao desemprego (si, tal cal). O persoal só se acolleu ás baixas en marcha cando a empresa xerou incerteza, coas súas propostas de despedimentos masivos e rebaixas das indemnizacións. Pero agora insisten na vía das “baixas voluntarias”, que medidas utilizará agora a Dirección para aguilloar?, moi doado as incluídas no propio ERE.

Malia que recoñecen que as colas son un dos maiores problemas en Galiza, o preacordo prevé tamén un ERE suspensivo e rotatorio para o 75% do cadro de persoal. A Dirección poderá suspender contratos e reducir xornada a perto de 5.000 persoas.

Ao final o preacordo, inclue 700 baixas mais 5.000 suspensións, as medidas en materia de emprego afectan a 5.700 persoas, empiora con moito as 700 propostas pola empresa. Será que as 4 da maña, cando chegaron a este punto, os “negociadores” estaban medio durmidos.

Pero non só perigan postos de traballo, tamén recortan salarios. Na última reunión a Dirección xa dixo que o recorte salarial proposto era o máximo por escala e que os 25.000 euros primeiros quedaban exentos. Pero con todo o recorte súmase á conxelación e perda salarial do convenio, (ese que era ”unha garantía para o emprego”). Iso deberon de tratalo ás 5 da maña, entre cabezada e cabezada.

Negociadores exahustos

Queremos lembrar que o 16 de febreiro nos propuxemos na mesa o adiamento das achegas ao plan de pensións, proposta aceptada por todas as partes. Daquela razoamos que preferíamos que o recorte retributivo fose sobre o salario diferido que sobre o salario actual. Resulta sorprendente que a única proposta sindical alternativa incluida no preacordo foi unha proposta da CIG. Magoa que como deberon de falalo ás 6 da maña, os “negociadores” estaban exahustos e aceptaron adiar as achegas, pero tamén os recortes salariais.

Venres polo serán

Estamos certos, nos que teríamos logrado un acordo mellor que este, simplemente a empresa optou por “negociar”, con quen sabe que lle asina un acordo mais barato, mérito ningún, só colaboran cunha conduta antisindical que visto o resultado só prexudica ao persoal. Pero ás 6:30 da maña, cando celebraban o acordo con champan, xa non estaban para fixarse en nada.

Negociadores ide a durmir!! Que o día 15 comeza o período de consultas.