Ao longo dos últimos días medrou o número de persoas que valora a posibilidade de acollerse á baixa incentivada "voluntaria", iso é o que pretende a Dirección, mantendo a incerteza. Podes ver aquí como se calcula a indemnización das baixas.
Son moitas as persoas que valoran esa posiblidade ante o temor (terror) a ser despedido no futuro cunha indemnización menor. Algún dos casos que temos revisado, maior de 55 anos, non chegaría ao tope das novas baixas incentivadas, polo que non ten sentido que abandonen a empresa agora, perdendo 2 anos de cotización á Seguridade Social.
Como calcular a indemnización das baixas incentivadas.
Divide o Salario Bruto Anual por 365 días. Tes o salario diario (Sd).
Multiplica os anos traballados por 45 días. Tes os días por ano traballado (Dt).
Multiplica o salario diario (Sd) polos días por ano traballado (Dt). Ese é o importe da indemnización.
Ten en conta que a indemnización actual está topada en 42 mensualidades. A indemnización proposta esta topada en 30 mensualidades ou 150.000 euros, incluido o importe do Convenio Especial á SS ata os 63. Podes calcular o custe do teu Convenio Especial na páxina da Seguridade Social.
Sem comentários:
Enviar um comentário