A CIG anuncia que prepara unha nova FOLGA XERAL

Folga Xeral 29 setembro 2010

O día 15 de decembro a CIG mobilizouse en toda Galiza contra o recorte da axuda de 426 euros aos parados, un dos últimos recortes sociais emprendidos polo goberno do PSOE. O noso Secretario Xeral, Suso Seixo, anunciou que o sindicato prepara a convocatoria dunha nova folga xeral.

Os delegados e delegadas da CIG na novacaixagalicia participaron nas distintas mobilizacións para defender o mantemento desta axuda co fin de evitar a exclusión social dos parados unha vez esgotada a prestación.

Santiago, A Coruña, Lugo, Ourense, Pontevedra, Vigo, Carballo ou Burela foron o escenario de concentracións da CIG diante dos Servizos Públicos de Emprego.

Así mesmo onte PP e PSOE chegaron aun acordo no Pacto de Toledo para recortar as futuras prestacións ao incrementar os anos de cotización que entran no computo para o calculo das pensións. Ainda debaten o alongamento da vida laboral. A dereita que representan eses partidos está unida na reforma das pensións como o estivo na reforma laboral ou na reforma para privatizar as caixas de aforros.

Ante esta situación a CIG anunciou a convocatoria dunha nova folga xeral.

Galería de imaxes das concentracións.