A Dirección sigue agochando as medidas salariais

Aperos de traballo de RRHH

Os Consellos de Administración de Caixa Galicia e de Caixanova aprobaron unilateralmente con posterioridade á sinatura do Acordo Laboral un paquete de medidas que afectan aos complementos salariais que percibía o persoal dunha e doutra entidade. Despois do tempo transcorrido manteñen en segredo o acordado a espera da súa aplicación.

A día de hoxe continuamos sen coñecer o contido dos citados acordos, unha falta de transparencia inexplicable nunha cuestión tan sensible como os salarios. Solicittamos de xeito reiterado información ao respecto, indicándonos a empresa en varias ocasións que estaba preparando o desenvolvemento dos acordos previa a súa presentación á representación sindical.

Nalgún caso o aprobado unilateralmente podería consistir na desaparición de complementos universais que no seu día foron pactados coa representación sindical, como no caso do CPAR que cobraba o persoal administrativo de Caixa Galicia. De ser así estaríamos ante unha irregularidade clara, tendo anunciado a CIG un conflito colectivo, cecais precisamente o seu silencio responde a que son conscientes de que meteron a zoca. 

Agardamos que nos vindeiros días se proceda a facilitar toda a información sobre medidas que afectan aos nosos salarios.