Os dous laudos emitidos
ata este momento, en Ourense e Pontevedra,
estableceron con rotundidade que a convocatoria de
eleccións realizada pola CIG se axusta a dereito e que
deben continuar. Desestimaron a petición de anulación
das eleccións realizada pola UGT, CCOO e CSICA.
A Dirección da Empresa non
quere novas eleccións agora, como
quedou claro na reunión celebrada o 30/4/2014. Está cómoda coa representación
sindical actual, dócil
e entregada: sabe de antemán que lle asinarán calquera
medida. Ademais, ten
previsto retomar o ERE e pode que
haxa despedimentos
nun curto prazo (iso foi o que nos
indicou RRLL). A convocatoria de traslados, comunicando
que sobra persoal en Vigo e Pontevedra (40 persoas) pode
ser o primeiro paso neste senso. Un proceso electoral en
xuño podería obrigar á empresa a ter que aprazar esas
medidas, de aí que apostase polas eleccións a final de
ano.
Só así se entende que as
eleccións fosen impugnadas e que, malia os
Laudos favorables á posición da CIG, outros sindicatos
continuasen coa estratexia de enlamar o proceso e
xudicializalo, presentando incluso preavisos
duplicados e ilegais en toda Galiza. Algúns pretenden
facerlle un último favor á empresa, antes de marchar
prexubilados.
Malia todo, propuxemos
que se celebrasen as eleccións en setembro,
requiríndolles un único compromiso: se antes
das eleccións a empresa instase un novo ERE, calquera
posible acordo debería ser aprobado en referendo polo
persoal. Contestaron que non.
A CIG quere eleccións
sindicais, ese continúa sendo o noso propósito. Por iso,
e malia que os Laudos Arbitrais estimaron a
legalidade do proceso, onte luns decidimos retirar os
preavisos. Doutro xeito asistiriamos a impugnacións
cruzadas e a demandas xudiciais que en nada
beneficiarían ao cadro de persoal.
Ademais, se a empresa
continúa co anunciado, verémonos na obriga de centrarnos
na defensa do persoal afectado: Se hai
despedimentos, hai conflito.
Sem comentários:
Enviar um comentário