Ante a nosa
preocupación polo impacto do proceso de poxa de novagalicia banco sobre o Plan
de Reestruturación, é dicir sobre o emprego, dirixímonos unha vez mais á
Comisión Europea. Como no pasado, mentres os organismos gobernamentais españois
son totalmente opacos, da CE recibimos contestación.
En primeiro lugar
nos indicaron que a Comisión Europea valora de xeito positivo a venda de NCG,
SA. Si están de acordo coa venda entendemos que si esta se adiase mais ala da data
prevista inicialmente, do 31 de marzo de 2014, o Goberno do Estado debería dar
explicacións.
Din tamén que o
FROB informou a Comisión Europea ao longo do proceso de venda, tal e como todos
e todas coñecemos.
En segundo lugar a
Comisión Europea indicounos que pensan que o proceso de venda debería acelerar
o Plan de Reestruturación de NCG Banco, S.A.. O cal para nos é motivo de grave
preocupación, o Plan de Reestruturación é o ERE.
Por último en
relación á posible modificación do Plan de Reestruturación contestan que “Inicialmente,
o comprador de NCG Banco, debe seguir o Plano de Reestruturación aprobado en
novembro do 2012. Sen embargo, si España, considera que quere facer algunhas
modificacións de xeito substancial, pode propoñelas á Comisión, que estudará e
avaliará os trocos propostos á luz da axuda recibida polo Banco. “
É dicir a
modificación do Plan debe ser proposta polo Goberno de España (pola forma
verbal utilizada cabe entender que aínda non o fixo). Neste senso despois de escoitada a posición do Director Xeral do FROB, Antonio Carrascosa, que apostou por manter o Plan de Reestruturación no referido ao emprego, temos claro que calquera despedimento ou medida traumática será responsabilidade do Goberno de Mariano Rajoy.
Sem comentários:
Enviar um comentário