Cambios no organigrama, normais e necesarios

A laca pasou de moda, agora lévase a gomina

Sorprendeulle a CCOO que a empresa nomease a unha persoa do Grupo Etcheverría como novo Director Xeral de Riscos. Non será a CIG quen critique a substitución de Altos Directivos responsables de arruinar as Caixas e dos sucesivos ERE´s.

Os cambios no organigrama son algo normal, hai un novo propietario, pero ademais son do mais desexable. O inexplicable é que altos directivos procedentes das Caixas e que formaron incluso parte do Comité de Alta Dirección de Caixa Galicia e Caixanova seguiran nos seus postos co visto bo do FROB (Goberno/Banco de España).

Eles foron os responsables da mala xestión que levou a empresa a quebra; os que puxeron de novo os nosos postos de traballo en perigo presentando sucesivos Plans (que levaron a sucesivos ERE´s) co único obxectivo de seguir nos seus postos; algúns deles foron os responsables da emisión e comercialización das preferentes. E incluso despois de ser rescatada NCG con 9.000 millóns de euros públicos, continuaron abusando da súa posición dun xeito escandaloso.

Sen ir mais lonxe Domingo G.M. cando pensaba que un fondo norteamericano sería o gañador, comezou a dar clases de inglés no seu despacho, en horario laboral e con cargo á Entidade.

Si a CIG alza a súa voz ante os cambios na cúpula será para lamentar as novas indemnizacións que cobran algúns ao marchar, cando deberían responder co seu patrimonio persoal polo burato que deixaron.

Por último dicir que no xuízo pola nosa demanda contra o IV ERE a empresa tivo que facilitar o Plan de Reestruturación orixinal elaborado polo FROB (Goberno/Banco de España) e autorizado por Bruxelas. O Plan de Reestruturación contemplaba 2.508 despedimentos pero ao mesmo tempo autorizaba á NCG a contratar persoal, feito que nos denunciamos no propio xuízo. Algo que CCOO sindicato que se opuxo a nosa demanda e defendeu no xuízo na Audiencia Nacional a legalidade do ERE IV, debería coñecer.