En fin, non sabemos si este “renomeamento” ten coma obxectivo aplicar o ERE antes da autorización de Bruxelas á venda definitiva, o que daría ao traste co falado na reunión mantida coa futura Dirección. En todo caso en relación ao ERE queremos aclarar varias cuestións:
Baixas incentivadas e despedimentos:
No período para o acollemento voluntario aberto en xaneiro do 2013, só houbo 20 persoas “voluntarias” fronte ás 350 praza a cubrir. En canto rematou a incerteza, non hai “voluntarios”, nunca os houbo, sempre xogaron co noso medo. E quen utiliza o medo para os seus fins ten un nome.
Horarios estendidos:
Este horario foi asignado a compañeiros e compañeiras na maior parte dos casos de xeito forzado. Este novo horario foi un fracaso absoluto, a afluencia da clientela é nula. Na práctica só se conseguiu prexudicar ao persoal que ao estar desprazado fora da súa residencia habitual ten que afrontar gastos diarios sen ningún tipo de compensación. Ademais dificulta a conciliación laboral e persoal.
Por iso que temos solicitado á Dirección que elimine este horario estendido e que o persoal volva ao horario normal.
Reunións fora do horario:
Hai Directivos que queren facer méritos ante o anuncio dun novo organigrama e convocan reunións fora do horario laboral para dar a “chapa” ao persoal. Nestas reunións non hai nada novo, continúan coas políticas comerciais que nos meteron en problemas e a obsesión por “vender, vender e vender”.
“Juanes”, “Gabrieles” e outros arcanxos: o persoal realiza milleiros de horas extras non pagadas para poder atender á clientela día a día, as vosas reunións só serven para amolar. Xa está ben!!.
En todo caso como non teñen en conta o tempo que perde o persoal, incluído os desprazamentos, denunciaremos nas Inspeccións de Traballo estas horas extras non pagadas. Grazas á prepotencia habitual temos as convocatorias por escrito.
Sem comentários:
Enviar um comentário