O 28, a
representación sindical indicou na mesa do período de consultas que, igual que
a Dirección indagou os traballadores e traballadoras que están secundando os
paros, utilice o mesmo conduto para coñecer os milleiros de horas extras non
declaradas, non pagadas, nin cotizadas á Seguridade Social e proceda ao
aboamento das mesmas.
En relación á reunión do ERE, a compañía mantivo a súa
posición inicial sen moverse nin un ápice; nesta ocasión fixo entrega dun CD
con “nova documentación”. Durante o paro, abandonamos a reunión, denunciando
nos medios a falta de información, entre outras cuestións, sobre os criterios
para o peche. Ao remate da xuntanza a empresa, coñecedora da nosa denuncia
pública, entregou un documento sobre os criterios para decidir que oficinas serán
pechadas.
Malia que din que estamos ante un ERE por causas económicas,
este documento, que vos foi remitido a todos e todas, é moi claro: o 96,5% das
oficinas que pecharán as súas portas son rendíbeis. Só o 3,5% das oficinas a
pechar teñen unha marxe ordinaria negativa.
A falta de información en tempo e forma, dificulta
tremendamente que a representación sindical, no seu conxunto, poda realizar
unha contraproposta seria e rigorosa co fin de minimizar os despedimentos.
Con todo, a empresa puxo en marcha un proceso legal de
despedimentos colectivos, mobilidade xeográfica, suspensións de contrato e
modificacións substanciais. Sen embargo, a súa proposta facilitada o día 21, só
fala de despedimentos e de traslados. Polo tanto, o que coñecemos das
intencións da Dirección é só unha parte do plan.
Agardamos pois que poña unha nova proposta concreta
enriba da mesa, que se centre en alternativas que permitan reducir o número de
despedimentos. Mentres, nós seguiremos agardando polo "Plan de Viabilidade", ao que fan mención no documento de
criterios para os peches entregado a última hora, que seica aínda o están
traducindo.
Sem comentários:
Enviar um comentário