Somos 6.000 traballadores e
traballadoras, teñen que escoitarnos.
Ante os momentos de incerteza
que estamos vivindo dende a CIG non quedaremos a espera de que outros decidan o
noso futuro sen escoitar a voz dos traballadores e traballadoras. Neste senso
temos en marcha distintas iniciativas das que vos queremos dar traslado.
-Temos solicitado unha explicación por parte da Dirección de NCG Banco
SA, sen que a día de hoxe tivéramos contestación. Seica aquí xa mandan os homes
de negro da Troika (segundo algún xefe de zona).
-Dado que a entidade está nacionalizada e polo tanto é propiedade do
Estado, temos solicitado ao Ministro de Economía, Luis de Guindos, unha reunión
para coñecer de primeira man o impacto laboral do proceso de resolución
ordenada, para demandar a subrogación laboral e un proceso negociado. Pedimos
tamén unha interlocución directa entre o propietario da entidade (o Estado) e
os seus traballadores e traballadoras.
-Estamos celebrando asembleas de traballadores/as para informar de
primeira man e compartir con todos e todas vos a situación.
-Temos convocado unha concentración para o vindeiro día 11 de outubro ás
11 horas diante da Xunta de Galicia, para solicitar un compromiso claro e nidio
en defensa dos 6.000 postos de traballo directos do Grupo NCG Banco, SA en
Galiza (novagalicia, Banco Gallego e das empresas auxiliares). A Xunta de
Galicia é responsable directa da situación que vivimos e queremos a súa
implicación na defensa dos 6.000 postos de traballo.
-Temos solicitado a colaboración do BNG, para que a Deputada Olaia Fernández Davila presente unha pregunta ao Goberno no Congreso dos Deputados relativa ao impacto sobre o emprego do proceso de resolución ordenada do Grupo NCG Banco, SA.
-Estamos traballando para tratar de conseguir unha reunión coa UE en
Bruselas, para expoñer as nosas dúbidas sobre o rescate bancario e demandar o
mantemento da capacidade das entidades e sen recortes de persoal coma maior
garantía da viabilidade das mesmas.
Asistimos con preocupación ás negociacións abertas noutras entidades
que foron vendidas polo Estado, nomeadamente Unimm ou CAM, nas que as Direccións
e os propios sindicatos están falando abertamente de despedimentos masivos,
unha saída que non compartimos.
Sem comentários:
Enviar um comentário