Starbucks Coffee un exemplo do que non queremos

Protesta laboral nun Starbucks

A Dirección da Entidade, empeñada en que a caída da clientela é debida aos traballadores/as da rede de oficinas, insiste en tratar de “incentivarnos”. Agora no EnfOCados poñen coma exemplo ás cafeterías Starbucks Coffee, coñecidas pola represión laboral e sindical e a súas estratexias que moitos consideran abusivas.

EnfOCados, unha nova idea luminosa coas que algúns gañan un bo salario e na que recomendan diferentes lecturas que lembran moito ao xénero de “autoaxuda”. Dado que a Dirección recomenda lecturas, nos non imos ser menos.

A prestixiosa xornalista canadense Naomi Klein, que no seu libro “A Doutrina do Shock” anticipouo proceso que estamos vivindo de recortes e privatizacións ao abeiro da crise, ten no seu libro “No Logo” un apartado dedicado á empresa Starbucks Coffee.

A través das súas páxinas poderemos aprender como esta empresa abusa dos seus traballadores/as; reprime calquera intento de sindicalización; coma lle rebaixou os salarios mentres medraban os beneficios empresariais; as súas relacións, non tan idílicas, cos seus provedores do terceiro mundo; ou a súa política de dumping para eliminar aos competidores. Todo un exemplo de empresa irresponsable socialmente na que non queremos mirarnos.

En fin Sr. da Dirección deixen de facer que perdamos o tempo, a clientela agarda nas colas para ser atendida.

Para mais información podes aceder aquí á páxina do sindicato IWW.