Nova norma de gastos e outras.

A empresa aprobou unilateralmente unha nova normativa de compensación de gastos que consideramos que vulnera os dereitos dos traballadores/as, a día de hoxe temos solicitado información ao respecto. Ultimamente aprobaron unilateralmente outras normas de educación, aspecto, vestimenta, etc. 

 Sendo os desprazamentos un risco laboral e constando ademais o persistente número de accidentes relacionados con desprazamentos laborais, compartimos que deben de evitarse ao máximo. Pero iso implica deixar de realizar reunións fora da xornada laboral que ademais tenden a eternizarse (os xefes non teñen en conta que a xente debe volver a súa casa); evitar asignar ao persoal destinos lonxe do seu domicilio (canta xente está desprazada por castigo/capricho); evitar desprazamentos diarios debido á incorrecta dotación das oficinas, etc. 

Con carácter xeral somos partidarios dos transportes públicos que son mais ecolóxicos, outra cuestión é que se nos poda obrigar a utilizalos e sobre todo cando os horarios non se adapten as necesidades. Desgraciadamente os transportes públicos en Galiza están pouco desenvolvidos e por exemplo un desprazamento en autobus entre A Coruña e Vigo duplica o tempo de facelo en coche (a empresa non lle importa si temos que alongar a xornada laboral, total non pagan as horas extras). 

Outro punto no que se excede a empresa é na norma que regulará o uso do coche propio. Si un traballador/a pon o seu coche particular a disposición da empresa, esta debe facerse cargo dos gastos, non hai outra. Sendo un coche particular a empresa tampouco pode obrigarnos a compartilo con outros viaxeiros, que ocorrería en caso de accidente?. O coche o pago eu, é meu e levo nel a quen quero.

Pero a de compensación de gastos non é a única nova norma, a empresa estase excedendo coa aprobación de normas unilteralmente que afectan a esfera persoal ou que son materia que debería ser obxecto de negociación. 

Por exemplo atrévense a ditar normas de "educación", pero quen se pensan que somos!!!, aquí sempre tratamos con educación á clientela e o  respecto é habitual no trato entre os compañeiros/as. Si alguén faltou habitualmente ao respecto foron algúns xefecillos tóxicos. Outro exemplo é a nova regulación sobre "aspecto físico e vestimenta", que invade claramente a esfera persoal (e non imos xulgar os gustos de cada quen).

Deixen de ditar tantas normas e expliquen de xeito transparente que Plan Laboral presentou a Dirección en Bruxelas co apoio do FROB. Iso é o mais importante.