Dado que non existía ningún tipo de información oficial
sobre o proceso de venda, máis ala de declaracións puntuais dos responsables do
Ministerio de Economía e do FROB nos medios de comunicación, o pasado 3 de
outubro dirixímonos ao Director Xeral do citado organismo para demanda
información. O 9 de outubro recibimos contestación oficial.
Cando o ano pasado
a CIG se posicionou en contra do denominado rescate bancario, advertíamos que
tería consecuencias laborais. O Plan de Reestruturación demostrou que
desgraciadamente a nosa análise era correcta. Hoxe temos claro que o proceso de
privatización é unha ameaza para o emprego, foi por iso que demandamos
información do FROB.
O 9 de outubro
recibimos escrito do Director Xeral do FROB no que entre outras cuestión nos
indican:
“A fecha de hoy aún no se ha iniciado el proceso de venta
en si. En este sentido, se está llevando a cabo una fase de análisis sobe cómo
estructurar la misma, considerando las condiciones del mercado y testando el
posible apetito de los inversores para la adquisición de NCG. Una vez finalice
esta etapa se decidirá si finalmente se lleva a cabo el proceso de venta o no.”
Pediamos e
demandamos coñecer si no prego de condicións da venda se tería en conta o
mantemento de emprego, un requisito que para a CIG é fundamental. Neste senso
indican:
“Finalmente, y en respuesta a las preguntas planteadas,
al no haberse iniciado el proceso de venta, no existe ningún tipo de condición
preestablecida y éstas no se producirán hasta que se pase a fases más avanzadas
y comience la negociación de la venta con los posibles compradores.”
Queda claro pois
que o Goberno Central non estableceu a día de hoxe ningún tipo de garantía en
materia de emprego. Si queremos que esta condición figure no prego de venda de
NCG teremos que loitar para que así sexa.
Vendas anteriores
saldaron entidades por 1 euro e cun esquema de protección de activos que
significaba unha nova axuda pública en caso de perdas non previstas. O proceso de
venda actual si se inclúen os cretos fiscais resultaran máis gravosos para os contribuíntes,
polo que cando menos o mantemento do emprego debería estar sobre a mesa.
Reclamamos do
Goberno Central unha posición clara en materia de emprego, tal e como lembramos
levamos IV Expedientes de Despedimentos Colectivos. Na mesma líña demandamos que os distintos grupos interesados manifesten
publicamente cal é o seu compromiso en materia de emprego.
Temos dereito a
poñer os postos de traballo por riba da mesa e os poremos. É o xusto.
Sem comentários:
Enviar um comentário