O 16 de abril mobilizámonos ante a oficina de San Roque en Lugo,
oficina na que estaban destinadas 2 das 8 persoas das que non tiñan destino
notificado e as que a empresa indicou que pensaba despedir. Foi unha
mobilización tensa e dura, como advertimos dende o primeiro momento si hai
despedimentos haberá conflito.
Co ERE IV a Dirección pode facer
o que lle peta e pode despedir cando queiran, onde queiran e a quen queiran. A
nivel galego a empresa quere executar un número indeterminado de despedimentos,
o que está en xogo é cando iniciaran o proceso.
É o momento de pasar o
“Rubicón”?. A lóxica di que hai un conflito externo que está tendo un impacto
no negocio superior ao que (erroneamente) estimaron; hai prazas para recolocar
ao persoal e incluso contratos temporais en vigor nalgunhas zonas onde
pretendían despedir; hai 2 impugnacións do ERE ante a Audiencia Nacional; hai
unha inseguridade xurídica evidente. Pero ollo, temos claro que si queren poden
despedir.
Os despedimentos a nivel galego
semellan aprazados, e estamos á espera da solución definitiva para estas 8
persoas a cal parece non está decidida ainda.
En todo caso fora de Galiza hai
despedimentos e non pasa absolutamente nada. A diferenza é que aquí hai
sindicatos con representación nos Comités de Empresa dispostos a ir a un
conflito e no que os traballadores e traballadoras poden apoiarse, tamén para
presentar demandas individuais si fose preciso.
Alégranos que outros sindicatos
lle digan ao Presidente da Entidade que están dispostos a actuar xudicialmente
e a mobilizarse contra os despedimentos. Pero nos xa o fixemos.
Sem comentários:
Enviar um comentário