Que é a resolución ordenada segundo o artigo 25 do Real Decreto 24/2012

O congreso dos deputados validou o “Real Decreto 24/2012, de reestruturación e resolución ordenada de entidades”co voto favorable do PP, CIU e UPN (partidos inimigos dos nosos postos de traballo). Un decretazo que permite a liquidación de entidades.

Finalmente o Congreso validou o Real Decreto que sitúa ao Grupo NCG banco, nunha situación de resolución ordenada. Un proceso que terá repercusións laborais inmediatas, iso si, despois das eleccións galegas.

O artigo 25 do RD 24/2012, establece que é a Resolución Ordenada.

Si ata o de agora o Estado poxaba as Entidades, un proceso que garantía parcialmente os postos de traballo, como vemos na CAM ou en UNNIM. Agora ábrese un novo escenario regulado no artigo 25 do Decretazo:

Artigo 25. Instrumentos de resolución.

1. Os instrumentos de resolución son:

A)    A venda do negocio da entidade.

B)    A transmisión de activos ou pasivos a unha banca ponte.

C)    A transmisión de activos ou pasivos a unha sociedade de xestión de activos.

D)    O apoio financeiro aos adquirentes do negocio, a banca ponte, ou á sociedade de xestión de activos cando resulte preciso para facilitar a implementación dos instrumentos anteriores e para minimizar o uso de recursos públicos.

2. O FROB poderá adoptar os instrumentos anteriores individualmente ou conxuntamente.

3. Si se aplicaran de xeito parcial os instrumentos de resolución, unha vez realizada a transmisión parcial do negocio ou dos activos e pasivos, a entidade se disolverá e liquidará no marco dun procedemento concursal.

A CIG nin quita, nin pon, isto é o aprobado polo goberno do PP e validado polo Congreso dos Deputados. Non é causar alarma é a dura e crúa realidade. Onte foi un día nefasto para os traballadores e traballadoras de novagalicia banco, do Banco Gallego e das empresas auxiliares.

Ante esta situación non podemos quedar parados, nos vindeiros días poremos en marcha iniciativas en defensa dos postos de traballo. Estamos abertos á unidade de acción, pero polo momento agardamos a posición doutros fronte a este Decretazo.